यु ट्युव का भिडियोहरू मैले आफ्नो कम्प्युटरमा कसरी सेभ गर्न सक्छु ?

वास्तवमा यु ट्युबले आफ्ना भ्युअरहरूलाई
उक्त वेबसाइटमा संग्रहित भिडियोहरू
उक्त वेबसाइटबाटै हेरून् भनेर डिजाइन
गरेको हो, तर प्रायःजसो प्रयोगकर्ताले
आफूलाई मनपर्ने भिडियोहरू
आफ्नो कम्प्युटरमा स्टोर गर्ने चाहना राखेका हुन्छन्।

इन्टरनेटमा कतिपय वेबसाइट उपलब्ध छन्,
जसले
युट्युबका भिडियो स्वतः कम्प्युटरमा स्टोर
गरिदिन्छन्।
यस्ता वेबसाइटमा www.savevid.com
तथा www.keeprid.com मुख्य छन्। युट्युबबाट आफ्नो कम्प्युटरमा सेभ स्टोर
गर्न खोजिएको भिडियो URL लाई
कपी गरेर
माथि भनिएका बेवसाइटमा पेस्ट
गरियो भने उक्त वेबसाइटले आफूले
रोजेको हार्ड ड्राइभमा भिडियोहरू स्टोर गरिदिन्छ। त्यहाँ आफूले submit
वा download बटनमा क्लिक गर्नुपर्ने
हुन्छ। यदी तपाईंले www.savevid.com
वेबसाइटको प्रयोग
गरी भिडियोहरूलाई सेभ गर्न खोज्नु
भएको छ भने यसले.flv, .3gp, mp4 जस्ता फरम्याटका भिडियो फाइलहरू
सेभ गर्न खोज्छ। यसकालागि तपाईंले
सर्वप्रथम.mp4 फरम्याटमा सेभ गर्नु पर्ने
हुन्छ जुन
आजभोलिका प्रायजसो सिस्टममा खुल्छ,
तर कतिपय अन्य एक्सटेन्सनका फाइलहरू भने नखुल्ने पनि हुन सक्छन्।
त्यसका लागि तपाईले
ती एक्सटेन्सनका फाइलहरू खुल्ने
मिडिया प्लेयर नै डाउनलोड गर्नुपर्ने
हुन्छ। उदाहरणका लागि VLC
मिडिया प्लेयरलाई www.videolan.org बाट डाउनलोड गर्न सकिन्छ भने FLV
प्लेयरलाई wwwmartinjindevisser.com
बाट डाउनलोड गर्न सकिन्छ।

४१ मेगापिक्सेलको नोकिया लुमिया १०२०

एक बेलाको मोबाइल
बजारको बादशाह
नोकिया स्मार्टफोन
बजारमा दह्रो उपस्थिति जनाउने
दाउमा छ। ४१
मेगापिक्सलको क्यामेरा सहितको नयाँ स्मार्टफोन लुमिया १०२०
बजारमा ल्याउने घोषणा गर्दै
नोकियाले आफूलाई सामसङ र एप्पलकै
लाइनमा उभ्याउने तयारी गरेको छ।
यसभन्दा अगाडि कसैले
नसोचेको स्मार्टफोन आफूहरुले ल्याउन लागेको नोकियाको दाबी छ। यसले
अन्य स्मार्टफोनको भन्दा असाध्यै
राम्रो पिक्सलको तस्बिर लिन
सकिनेछ।

'अब उपभोक्ताले तस्बिरको गुणस्तरबारे
चिन्ता गरिरहनुपर्दैन। जुम नै नगरिकन
तस्बिरको रिफ्रेम गर्न
सकिनेछ', नोकियाले भनेको छ। यस
क्यामराको परीक्षण गर्ने विश्लेषकले
भनेका छन्, 'अन्य स्मार्टफोनमा पाइने क्यामेराभन्दा यसको क्यामेरा निकै
राम्रो छ। यसमा कुनै शंका गरिरहनु पर्दैन।
तर यो नै सबैभन्दा बढी बिक्री हुन्छ भन्न
सकिँदैन।'

मार्केट रिसर्च कम्पनी आइडिसीले २५
देशमा यसको सर्वेक्षण गरेको थियो।
जसमा उपभोक्ताले
नयाँ स्मार्टफोनमा कस्ता कस्ता सुवि
धामा आकर्षित हुन्छन् भन्ने विषयलाई
मुख्य आधार बनाइएको थियो। सर्वेक्षणले
स्मार्टफोनको क्यामेरा रिजोल्यूशनले
उपभोक्तालाई लोभ्याउने
गरेको देखाएको थियो।
स्मार्टफोनको अडियो क्वालिटी,
ब्याट्री लाइफ, सुरक्षा र इन्टरनेट ब्राउजिङजस्ता फिचरहरु बारे समेत
नोकियाले सर्वेक्षण गराएको थियो।

मोबाइल फोन विश्लेषक
फ्रान्सीसको जेरोनिमोले
बताएअनुसार धेरै मानिसहरु
आफ्नो तस्बिर स्मार्ट फोनमै हेर्छन्।
उनले भने,
'नोकियाका उपभोक्ताहरुका लागि क म उज्यालोमा पनि यो नयाँ फोनले
राम्रो परिणाम दिन सक्छ भन्ने
नोकियाले विश्वास दिलाउन
सक्नुपर्छ। उपभोक्ताले
यो स्मार्टफोनको विशेषता तब मात्र
थाहा पाउने छन्, जतिबेला कुनै ठूलो स्क्रिनमा तस्बिरको 'जुमइन'
गर्नेछन् वा आफ्ना फोटो सफा गर्नेछन्।'
उनले थपे,
'यो सबैभन्दा राम्रो स्मार्टफोन हुन
सक्छ। उपभोक्ताका लागि एन्ड्रोइड
या आइओएस परिवर्तन गर्न यसले प्रेरित गर्न सक्छ।'

पछिल्लो तथ्यांकअनुसार विश्वमा कुल
स्मार्टफोनका उपभोक्तामध्ये ९२
प्रतिशत एन्ड्रोइड
वा आइओएसको प्रयोग गर्छन्।

ल्यापटप किन्नुअघि जान्नैपर्ने कुरा

कुनै सामान किन्न घरबाट निस्किँदा हामीमध्ये
धेरैजना पसलमा हेर्दा जुन मन
पर्यो त्यहीँ किन्ने विचारका साथ
निस्कन्छौँ । यस्तो सामान किन्ने भन्ने
घरमै तयारी गरेर निस्कने मान्छेहरु निकै
कम हुन्छन् । तर लुगाफाटो किन्दा त विना तयारी बजार गएपनि ठिकै
होला तर यदि तपाइँ ल्यापटप वा अन्य
कुनै ग्याजेट किन्न जाँदै हुनुहुन्छ भने
यस्तो चालाले पक्कै पनि फाइदा गर्दैन ।
हरेक दिन
नयाँ नयाँ प्रविधि तथा फिचर्स भएका ग्याजेटहरु बजारमा आएका हुन्छन्
। त्यसैले तपाइँले यस्ता ग्याजेट खरीद
गर्न जाँदा यसबारेमा पूर्व
जानकारी लिनैपर्ने हुन्छ ।
बिना तयारी वा विना जानकारी
बजारमा गएर यस्ता ग्याजेट खरिद गर्नु सजिलो त पक्कै हुन्न, खरीद
गरिहालेमा पनि त्यो फाइदाजनक
नहुनसक्छ ।


यदि तपाइँले नयाँ ल्यापटप किन्ने सोँच
बनाउनुभएको छ भने तपाइँले
केही जानकारी लिनैपर्ने हुन्छ र तयारी गर्नैपर्ने हुन्छ ।
यदि त्यसो गर्नुभयो भने तपाइँले
आफ्नो आवश्यकता तथा बजेट
अनुसारको उत्तम ल्यापटप खरीद गर्न
सक्नुहुन्छ ।

# विद्यार्थीमा भन्दा
बिजनेसम्यान र
फिल्डमा काम गर्ने
मानिसहरुका लागि
ल्यापटपको फिचर्सले
ठूलो अर्थ राख्छ । त्यसैले ल्यापटप खरिद
गर्नुअघि उनीहरुको मनमा
यो सवाल अवश्य
पनि उठ्छ
की आफ्नो आवश्यकता
अनुसार कुन ल्यापटप ठीक हुन्छ – कोही कम
रकमको ल्यापटप किन्न
चाहन्छन् त कोही केवल
गेम खेल्नकै
लागि वा इन्टरनेट
चलाउने लगायतका सामान्य
काम गर्नका लागि समेत
ल्यापटप किन्दछन् ।

# कति मुल्य
सम्मको ल्यापटप किन्ने –
भन्ने कुराको अड्कल
पहिल्यै गर्नुपर्छ । जुनसुकै
मोडेलको ल्यापटप
छानेपछि टिकाउ तथा मजबुतीमा कुनै
सम्झौता नगर्नुहोस् ।

# साथै ल्यापटप खरीद
गर्दा त्यसका सेवा केन्द्र
कति छन् – भन्ने
कुरामा पनि ध्यान
दिनुहोस्,
ता कि भोलि ल्यापटप बिग्रिहालेमा वा
समस्या आएमा सजिलै
बनाउन सकियोस् । कम
र्सर्भिस सेन्टर
भएका ब्राण्डका
ल्यापटप किन्दा भविष्यमा
समस्या आउनसक्छ ।

# ल्यापटपको ब्याट्री
ब्याकअप,
वारेन्टी तथा अन्य
क्षमताको विषयमा पनि
पूरै जानकारी लिएर मात्र
खरीद गर्नुहोस् । बढी वारेन्टीको लोभ
देखाइएका कमसल
ल्यापटप खरीद नगर्नुहोस्
।

# ल्यापटप खरीद गर्दा त्यसमा लोड
गरिएको सफ्टवेयरले
सही काम गर्छ गर्दैन
जाँच्नुहोस् ।
सामान्यतया कम्पनीले
सुरुमा केही ट्रायल सफ्टवयर लोड गरेका हुन्छन्
जो केही समयपछि
एक्स्पायर हुन्छ
वा त्यसलाई अनिवार्य
रुपमा आफै हटाउनु पर्ने
पनि हुनसक्छ । यसो गर्दा अरु सफ्टवेयर
डिलिट हुने
खतरा पनि हुनसक्छ ।
त्यसैले त्यस्ता ट्रायल
सफ्टवेयरका बारेमा पूर्ण
जानकारी लिएर त्यस्ता सफ्टवेयर सुरुमै
हटाएर मात्र ल्यापटप
खरीद गर्नुहोस् ।

# चाहे
बिजनेसम्यानका लागि
होस्
वा विद्यार्थीका लागि
ल्यापटपमा पर्याप्ट
मेमोरी हुनु महत्वपूर्ण हुन्छ । यद्यपि आजभोलि
ल्यापटपमा मेमोरी पछि
बढाउन सकिने
एक्स्पान्डेबल
मेमोरीको सुविधा पनि
प्राप्त हुन्छ । त्यसैले ल्यापटप खरीद
गर्दा एक्स्पाण्डेबल
मेमोरी स्पेस
बढि भएको ल्यापटपमा
जोड दिनुहोस्
ता की तपाइँले ल्यापटप चलाउँदा तेज
गतिमा काम गर्न
सक्नुका साथै
बढि सामाग्री समेत
अटाउन सक्नुहुन्छ ।

# यदि तपाइँ
गेमिङका लागि ल्यापटप
किन्दै हुनुहुन्छ भने
राम्रो स्क्रिन
रिजोलुसन
तथा ठूलो स्क्रीनका साथै राम्रो ग्राफिक
सपोर्ट भएको ल्यापटप
खरीद गर्नुहोस् । गेमिङ
ल्यापटप खरीद गर्दा पकेट
केही बढि नै गरम पार्नुपर्छ
। किनकी बिजनेस तथा स्टुडेन्ट ल्यापटप
भन्दा गेमिङ
ल्यापटपमा बढि फिचर्स
तथा कन्फीगेरेसन हुने
भएकाले महंगो पर्छ ।

त्यसैले ल्यापटप खरीद गर्दा उल्लेखित
कुरामा विचार पूराउनुभयो भने तपाइँले
आफ्नो आवश्यकता र औकात
अनुसारको असल ल्यापटप भित्राउन
सक्नुहुन्छ ।

स्पाइसका २ फरक मोडेलका एन्ड्रोइड स्मार्टफोन बजारमा

भारतीय मोबाइल कम्पनी स्पाइसको 'एमआई-४५०' र 'एमआई-४२२' मोडेल नेपाल
बजारमा भित्रिएका हुन्
| एमआई-४५० दूई सीम प्रयोग गर्न
मिल्ने यो स्मार्टफोनले टुजी नेटवर्क
सर्पोट गर्छ । ४.५ इञ्भ ठूलो टचस्त्रिन रहेको यस स्मार्टफोनमा ३.५ एमएमको
अडियो ज्याक प्रयोग गर्न मिल्छ । स्मार्टफोनको ब्याक साइडमा एलइडी
फ्लाससहितको ३.१५ मेगापिक्सल क्यामेरा रहेको छ भने फ्रन्ट साइडमा १.३
मेगापिक्सेल क्यामेरा रहेको छ ।


एन्ड्रोइड ओएस ४.० आइसक्रिम स्यान्डविच अपरेटिङ सिष्टम रहेको यस
स्मार्टफोनमा एफएम, एचटिएमएल, एमपीफोर, एमपीथ्री, युट्यूव, गुगल सर्च,
म्याप लगाएतका सुविधाहरु रहेका छन् ।

एमआई-४२२ एन्ड्रोइड ओएस ४.० आइसक्रिम स्यान्डविच अपरेटिङ सिष्टम रहेको यस
स्मार्टफोनमा १ गिगाहर्ज प्रोसेसर रहेको छ । दुई सीम प्रयोग गर्न मिल्ने
यसमा ४ इञ्चको टचस्त्रिन रहेको छ । ३.२ मेगापिक्सेल क्यामेरा, ३२
जीबीसम्म मेमोरी विस्तार गर्न सकिने, १३०० एमएएच क्षमताको ब्याटि्र,
ब्लुटुथ, एमपिथ्री, एमपिफोर लगाएतका सुविधाहरु यस स्मार्टफोनमा रहेका छन्
।

विन्डोज 7 लाई activate गरी genuine बनाउने कि?

तपाईं windows 7 अपरेटिङ सिस्टम चलाऊदै हुनु हुन्छ तर तपाईंको त्यो
system Genuine हैन भने तपाईंको desktop मा बेला बेलामा "This copy of
Windows is not genuine" भन्ने मेसेज आईरहेको नै होला । यदि तपाईंले उक्त
मेसेजलाई क्लिक गरी Activate गर्न खोज्नु भयो भने Activate key तपाईंले
किन्नु पर्ने हुन्छ ।

पहिलाको system Windows XP मा त बिभिन्न तरिका अपनाएर यो warning लाई
सजिलै bypass गर्न सकिन्थ्यो, तर Windows 7 मा यसलाई bypass गर्न त्यती
सजिलो छैन किनकी यसमा माईक्रोसफ्ट कम्पनीले security राम्रो सँग गरेको
देखिन्छ ।

मैले पनि ईन्टरनेटमा धेरै सर्च गरी हेरे यसको Activation Key पाउन तर
कुनै पनि valid भएन, धेरै crack हरु पनि भेट्टाए तर कुनैले पनि काम गरेन
। तपाईंहरुको प्रयास पनि यसरी नै खेर गई रहेको हुन सक्छ । यस्तै खोज
गर्दै जादा भर्खरै एउटा WAT Remover Tool for Windows 7 भन्ने भेट्टाएँ
WAT को मतलब (Windows Activation Technology) रहेछ । use गरी हेरे साँचै
नै काम गर्ने रहेछ । त्यसैले यस्तै खोजीमा लागेका साथीहरुलाई सजिलो होस्
भनेर share गर्न खोजेको छु ।

यो एउटा Windows Activation Technology हो जसले 32bit र 64bit को windows
7 system मा काम गर्छ र यसले तपाईंको system लाई Genuineबनाउछ ।

@ यो software ले Windows 7 Operating System मा मात्र काम गर्छ अरु
system लाई support गर्दैन । यदि तपाईंले अरु Operating System मा ट्राइ
गर्नु भयो भने तपाईंले error मेसेज पाउनुहुनेछ ।

@ यो patch software ले तपाईंको windows 7 सिस्टमलाई पूर्ण रुपमा
Activate गर्छ र त्यसपछि तपाईंले आफ्नो windows को updates पनि receive
गर्न सक्नु हुनेछ ।

@ के तपाई पनि ट्राइ गरेर नहेर्ने त ?

Software Download गर्नको लागि यहाँ क्लिक गर्नुहोला-:
www.mediafire.com/?ol5u7a4ci8nica5,pxrx1buner6cp4d

software लाई download गरीसकेपछि unzip गर्नुहोस् , unzip गर्दा password माग्नेछ,

password : thumperdc.com

सन प्रोटेक्सन क्रिम कसरी प्रयोग गर्ने ?

- बजारमा घामबाट जोगिन सकिने
विभिन्न किसिमका क्रिम उपलब्ध छन्।
त्यसमध्ये एसियन
स्किनका लागि साधारणतया १५-३०
नम्बरका क्रिम उपयुक्त हुन्छन्।

- धेरै गोरो छाला भएकाले ४०-५०
नम्बरको क्रिम प्रयोग गर्नुपर्छ।

- कालो छाला भएकाहरूले १५ वा ८
नम्बरको क्रिम लगाउनुपर्छ।

- चिल्लो र
खस्रो छालाका लागि पनि फरक-फरक
किसिमको क्रिम उपलब्ध छ।
अतः आफ्नो छालाको प्रकृतिअनुसार क्रिम
छनौट गर्नुपर्छ।

- सन प्रोटेक्सन क्रिम घाम
लागेका बेला मात्र लगाउनुपर्छ भन्ने होइन, घाम
नलागेको समय वा घरमै
बसेका बेला पनि यसको प्रयोग गर्नुपर्छ।

- एकपटक लगाइएको सन प्रोटेक्सन
क्रिमले चार-पाँच घण्टासम्म काम गर्छ।

मोबाइलमा उखान टुक्का

स्कुल वा कलेजमा पढ्दाका उखान-
टुक्का बिर्सनुभएको छ भने अब मोबाइलले नै
उखान-टुक्का सिकाउनेछ। विभिन्न एप
सुविधाका कारण स्मार्ट
भएको मोबाइलमा राख्ने एउटा यस्तो एप
उपलब्ध छ, जसले समय र परिस्थिति सुहाउँदो उखान
अनि टुक्का हाल्न सिकाउँछ। मोबाइल
प्रविधिको विकाससँगै संस्कृति र
परम्पराका विभिन्न पक्षले
पनि आधुनिकता वरण गरिरहेका छन्।
त्यसैको उदाहरणका रूपमा उखान टुक्काको परम्परा अब मोबाइलमा एप बनेर
आएको छ। यो एपमा ३
सयभन्दा बढी उखानटुक्का छन्, जुन
देवनागरी लिपि अर्थात् नेपाली भाषामै पढ्न
सकिन्छ। यसले उखानसम्बन्धी ज्ञान
पनि बढाउनेछ। यसमा आफूलाई राम्रा लागेका उखानहरू मनपर्ने सूचीमा राख्ने
सुविधा पनि छ।

आखिर बुद्धि बढ्छ कहाँबाट ?

कसैले 'तपाई त साह्रै बुद्धिमान हुनु हुँदो रहेछ' भन्यो भने तपाईको मन
प्रशन्न हुन्छ । आखिर प्रशन्न नहुनु पनि किन ? तर, तपाईले कहिल्यै सोच्नु
भएको छ, बुद्धि कहाँबाट आउँछ ? दिमागभित्र पहिलेदेखि नै बुद्धि भरिएको
हुन्छ ? पछिल्लो दिनमा कुनै जानकारी चाहियो भने गुगग वा विकीपीडिया जस्ता
बेवसाइटकबो सहारा लिइन्छ । के यसको अर्थ सूचनाको यी साधनले हाम्रो
बुद्धिको स्तर सम्बृद्ध र सम्पन्न बनाउँछ ?

यी सबै प्रश्नहरु यस कारण उठाइएको हो कि हालै भएको केही अध्ययनले हाम्रो
मस्तिष्कले आफूलाई जति प्रभावित पार्छ, अन्य मानिस र गुगल जस्ता
इन्टरनेटको दुनियाँको औजारले पनि त्यति नै असर गर्छ । अति आवश्यक भएपछि
मात्र मानिसले मानसिक श्रम गर्छ, नत्र दिमागलाई कष्ट दिँदैन भन्ने
सिद्धान्त मनोविज्ञानिकहरुमाझ लोकपि्रय छ ।

आमरुपमा जुन चिज स्मरण रहन सक्छ, त्यसलाई याद गरिराख्न मानिसहरु धेरै
दिमाग खियाउँदैनन् र कुनै न कुनै रुपमा अरुमा निर्भर रहन्छौं ।
दार्शनिकहरु यसलाई यसरी ब्याख्या गर्छन- मस्तिष्कको संरचना नै यस्तो
हून्छ कि माहोल अनुसार नै आफ्नो विस्तार गर्छ । दर्शन शास्त्रका ज्ञाता
एण्डी क्लार्कका भन्छन्-दिमागमा केही यस्ता चिज हुन्छ,
जसले नयाँ विचार र गुगल जस्ता इन्टरनेटको दुनियाको औजारसँग समन्वय स्थापित गर्छ ।

ट्विटर ट्रान्सलेसन परीक्षण गर्दै

इजिप्टमा सेनाले बर्खास्त
गरेका राष्ट्रपति महोम्मद
मोर्सीको ट्विट गैरइजिप्सियनले
पनि बुधबार अंग्रेजी भाषामा पढ्न
पाए। ट्विटरले एक महिनादेखि परीक्षण
गरिरहेको ट्रान्सेलन सेवा अगुवा इजिप्सियनका ट्विटर
अकाउन्टलाई दिएपछि यो सम्भव
भएको हो। ट्विटरले यतिबेला अरब
आन्दोलनका अगुवा वएल गोहिम सहित
धेरै फलोअर भएका इजिप्सियनहरुलाई
ट्रान्सेलन सुविधा दिएर आफ्नो परीक्षणलाई
तीब्रता दिइरहेको छ।

'विश्वका सबै मान्छेहरुलाई एक अर्कासँग
जोड्न सजिलो होस भनेर हामी काम
गरिरहेका छौं', ट्विटरका प्रवक्ताले
भनेका छन्- 'हामी टेक्स
ट्विटको अनुवाद परीक्षण गर्दैछौं।'
माइक्रोसफ्टको बिङ सर्च इन्जिनसँगको साझेदारीमा ट्विटरले
ट्रान्सलेसन परीक्षण गरिरहेको हो।

आधिकारिक रुपमा सुरु नभइ
सकेको ट्रान्सलेसन टुलले अनुवाद
गरेका सामग्री सत्प्रतिशत शुद्ध भने
छैनन्। अरबिक भाषा अघि ट्विटरले
युरोपका इटालियन, फ्रेन्च तथा स्पेनिस
भाषामा यसको परीक्षण गरेको थियो। एक
महिनाअघि गरिएका ती परीक्षाहरुमा
पनि केही गल्ती पाइएको ट्विटरले
जनाएको छ।

फेसबुकले यसअघि नै
बिङसँगको सहकार्यमा ट्रान्सलेसन
सुविधा दिँदै आएको छ भने सर्च इन्जिन
गुगलले पनि गुगल ट्रान्सलेसन
सेवा चलाइरहेको छ।
ट्विटरको यो सेवाले पत्रकारहरुको स्रोत अझ विस्तार हुने
अनुमान गरिएको छ। 'यसले ब्लगर
तथा स्वतन्त्र व्यक्तिहरुको आवाजलाई
बिस्तार गर्ने ठूलो मौका दिनेछ',
रोयटर्स इन्स्टिच्युट फर द स्टडी अफ
जर्नलिज्मका पत्रकार फेड्रिको जुरेनी भन्छन्। समाचार स्रोत
तथा ब्रेकिङका लागि ट्विटरको लोकप्
रियताले परम्परागत माध्यमहरुलाई
आछुआछु पार्दै
लगेको अवस्थामा ट्रान्सलेसन सेवाले
त्यसको क्षेत्र अझ फराकिलो पार्ने विश्वास लिइएको छ।

टुहुरो भयो माउस

आँखा झिम्क्याएभन्दा छिटो औंलाको आदेश
पालना गर्ने माउसका आविष्कारक डग
एङ्गेलबर्टको ८८ वर्षको उमेरमा निधन
भएको छ। माउसको प्रयोगमा व्यपकता आउनु
अघि नै एङ्गेलबर्टले १९६० मा यो उपकरण तयार पारेका थिए। धातुका दुई
साना टुक्रा जोडिएको पहिलो माउस काठले
बनाइएको थियो।

पछिल्लो समयमा विश्वव्यापी प्रयोगको उ
पकरण बनेको माउसले अविष्कारक
एङ्गेलबर्टलाई खासै पैसा भने दिन सकेन।
माउसको प्रयोग फैलन नपाउँदै सन् १९८७ मै
माउसको पेटेन्ट राएट सकिएको थियो।
स्ट्यानफोर्ड रिसर्च इन्स्टिच्युटले सन् १९८३ मा माउसको लाइसेन्स ४० हजार
अमेरिकी डलरमा एप्पल कम्पनीलाई
बिक्री गरिदियो। एक अनुमान अनुसार
अहिलेसम्म कम्तिमा एक अरब कम्प्युटर
माउस बिक्री भइसकेका छन्।

एङ्गेलबर्टले क्यालिफोर्निया अनुसन्धान
संस्थानमा काम गर्ने बेलामा इमेल, वर्ड
प्रोसेसिङ
तथा भिडियो टेलिकन्फरेन्सको आविष्कार
मा पनि काम गरेका थिए। स्टेट कम्प्युटर
हिस्ट्री म्युजियमले उनकी छोरी क्रिस्टिनाको इमेललाई उदृत
गर्दै डग एङ्गेलबर्टको मृत्युको खबर
दिएको हो। 'पिताको स्वास्थ्य खराब
थियो र मंगलबार
राति निदाएका बेला उहाँको देहान्त भयो',
इमेल उदृत गर्दै हिष्ट्री म्युजियमले भनेको छ।

डग एङ्गेलबर्टको जन्म ३० जनवरी १९२५
मा ओरेगनस्थित
पोर्टल्याण्डमा भएको थियो।
उनका पिता रेडियो मेकानिक थिए। ओरेगन
विश्वविद्यालयबाट इलेक्ट्रिकल
इन्जिनियरिङमा अध्ययन गरेका उनले दोस्रो विश्व युद्धका बेला राडार
टेक्निसियनको भूमिका निर्वाह
गरेका थिए। मान्छेको ज्ञान
बढाउनमा कम्प्युटरले कसरी सहयोग गर्न
सक्छ भन्ने सोचले उनलाई स्ट्यान्फोर्ड
रिसर्च इन्स्टिच्युटतर्फ डोर्या्एको थियो। उनको प्रयोगशालाले
इन्टरनेट विकासको प्रारम्भिक
प्रविधि एआरपीएनेट टेक्नोलोजी विकास
गर्न सहयोग पुर्याटएको थियो।

डग एङ्गेलबर्टको सोच
उनको समयभन्दा निकै अगाडि थियो।
उनी त्यो बेला प्रविधिमा काम
गरिरहेका थिए जतिबेला कम्प्युटरहरु
एउटा कोठा जत्रो हुन्थे। सन् १९६८
मा सान्सफ्रान्सिस्कोमा माउसको पहिलो स ार्वजनिक प्रदर्शनी गरेर एङ्गेलबर्टले
दुनियाँलाई छक्क पारिदिए।
यही कार्यक्रममा उनले
पहिलो भिडियो टेलिकन्फरेन्सका प्रदर्श
न पनि गरे। सोही कार्यक्रममा उनले
टेक्समा आधारित एआरपीएनेट प्रविधि सिद्धान्त बारे लामो व्याख्या गरे।
त्यो नै अहिले हामीले चलाउने इन्टरनेट
विकासको सुरुवाती कोशेढुंगा थियो।

चार अर्ब वर्ष पहिले नै मंगलमा 'जीवन' !

मंगल ग्रहमा ४ अर्ब वर्ष पहिला नै
जीवनको रहेको हुन सक्ने
पछिल्लो अनुसन्धानले पत्ता लगाएको छ।
अमेरिकी अन्तरिक्ष संस्था नासाले मंगल
ग्रहमा पठाएको क्युरियोसिटी रोबर्टले
पठाएका पछिल्ला तथ्यहरुको आधारमा यसको अनुमान गरिएको हो। क्युरियोसिटी मंगल
ग्रहमा पुगेको करिब एक वर्ष भएको छ।

यो बीचमा क्युरियोसिटीले जुन तथ्य
पठाएको छ तिनीहरु हेर्दा यो रातो ग्रहमा ४
अर्ब वर्ष पहिले नै जीवनका लागि चाहिने
पानी, वायुमण्डल थियो भन्ने अनुमान लगाउन
सकिने अमेरिकाबाट निस्कने विज्ञान
जर्नलले जनाएको छ।

मंगल ग्रहको वायुमण्डलको विस्तृत
अध्यानपछि ४ अर्ब वर्ष पहिला मंगल
ग्रहको वायुमण्डल पृथ्वीको भन्दा फरक
नभएको विज्ञान जर्नलमा प्रकाशित
शोधपत्रमा भनिएको छ। यो नयाँ नतिजाबाट
यहाँको सतहमा आद्रता रहेको र पानी पनि भएको भन्ने भनाईलाई बल
पुगेको छ। तर अहिलेसम्म यो स्पष्ट हुन
सकेको छैन कि मंगल ग्रहमा कुन
प्रकारको जीवन थियो वा थिदैँ थिएन।
खुला विश्वविद्यालयका मोनिका ग्रेडीले
पछिल्ला तथ्यहरुको आधारमा मंगल ग्रहमा वायुमण्डल र पानीको कति धेरै
क्षति भएको छ,
त्यो समयमा मंगलको वायुमण्डल
कस्तो रहेको थियो र त्यो समय
मंगलमा जीवन सम्भव रहेको थियो भन्ने
अनुमान गर्न सकिने बताउँछिन्। समयसँगै मंगल ग्रहको चुम्वकीय क्षेत्र र
वायुमण्डल नष्ट भयो र यो एक
सुख्खा निर्जन
ग्रहमा बलिएको सम्भावना पछिल्ला तथ्यहरु
ले देखाएको छ।
क्युरियोसिटी रोबर्ट अघिल्लो वर्ष ६ अगष्टमा मंगल ग्रहमा पुगेको थियो। २६
नोभेम्बर २०११ मा यो यानले अन्तरिक्ष
छोडेर करिब २४ हजार करोड
माइलको दुरी तय गर्दै मंगल
ग्रहमा पुगेको थियो।
परमाणु इन्धनबाट चल्ने यो क्युरियोसिटी अभियानको लागत
करिब २.५ अबर डलर रहेको छ। यसबाट प्राप्त
भएका जानकारी मंगल ग्रहको इतिहास
जान्नको लागि सबैभन्दा महत्वपूर्ण हुन सक्ने
बताइएको छ।

रोवर्ट अनुसन्धानका तीन चरण छन्।
पहिलो मंगल ग्रहमा प्रवेश,
दोस्रो सतहमामा जाने र
तेस्रो जमिनमा उत्रने। यो रोबर्टको तौल ९
सय किलो छ।

घट्यो ट्याब्लेटको मूल्य

माइक्रोसफ्टले हल्ला नगरी सर्फेस
ट्याब्लेट कम्प्युटरको मूल्य घटाएको छ।
माइक्रोसफ्टले डिजाइन
तथा मार्केटिङ गरेको सर्फेस
ट्याबको मूल्य ३० प्रतिशत
घटाइएको हो। केही दिन अघिसम्म ४९९ अमेरिकी डलर मूल्य रहेको सर्फेस
आरटी ट्याब अब ३४९ डलरमा झरेको छ।
चर्को प्रतिस्पर्धा सामु
आफ्ना उत्पादनको बजार कायम राख्न
माइक्रोसफ्टले ट्याबको मूल्य
घटाएको हो।

सर्फेस आरटी ट्याबको मूल्य घटाए
पनि माइक्रोसफ्टले सर्फेस प्रोको मूल्य
भने घटाएको छैन।
विश्वको सबैभन्दा ठूलो सफ्टवेयर
निर्माता कम्पनीले गत वर्ष पर्सनल
कम्प्युटरको विकल्प सहितको सर्फेस ट्याबलाई बजारमा ल्याएको थियो।

अम्याजनले किन्डेल
एचडी ट्याबको मूल्यमा घटाइसकेको छ।
किन्डेल एचडीको मूल्य अमेरिकामा १६९
डलरमा झरेको छ भने वेलायतमा २३९
पाउन्ड तोकिएको छ। अम्याजनले
किन्डेल एचडीलाई २९९ डलरसम्ममा बेचेको थियो।

ब्यारेन्स एण्ड नोबलको ट्याब
नुकको मूल्यमा पनि गिरावट आएको छ।
रिलिज समयमा २४९ अमेरिकी डलर मूल्य
रहेको नुक ट्याब अहिले १२९
डलरमा झरेको छ।

काठमाडौंको 'लोकेसन' स्मार्टफोनबाटै खोज्नुहोस्

काठमाडौंका बैंक, दुतावास, कलेज,
रेस्टुरेन्ट वा अस्पतालको लोकेसन
खोज्ने एप तयार भएको छ।
नेपाली युवाले बनाएको मोबाइल
एप्लिकेसन एनलोकेटले
काठमाडौंका स्थानको विवरण दिनेछ। निःशुल्क रूपमा एन्ड्रोइड र
एप्पलमा डाउनलोड गर्न सकिने यो एपले
तपाइँ रहेको ठाउँबाट
नजिकका स्थानबारे जानकारी दिन्छ।
वर्षको उत्कृष्ट मोबाइल एपको अवार्ड
हात पारिसकेको एनलोकेट दिपेन चापागाईंको टिमले निर्माण
गरेको हो।पुल्चोक इन्जिनियरिङ
बलेजबाट इन्फरमेसन एण्ड
कम्यूनिकेशनमा एमइ
सकेका चापागार्इंले
साथीको बिहेमा पार्टी प्यालेस भेट्टाउन सकेनन्।
सोधिखोजी गर्दा पनि लोकेसन
पत्ता नलागेको पीडाका कारण
एकलोकेट जन्मिएको उनले बताए।

कसरी काम गर्छ एनलोकेटले ?

यसको मुख्य काम बैंक, रेस्टुरेन्ट
वा अफिस, कर्पोरेट
हाउसको नक्सासहित तपाईंलाई
त्यसको जानकारी दिनु हो।
एप्लिकेसनमा अपडेट
भएका डाटाको आधारमा यसले जानकारी दिन्छ। यो एपमा अहिलेसम्म
१०
हजारभन्दा बढी डाटा इन्ट्री भइसकेक
ा छन्। एन्ड्रोइड, एप्पल अपरेडिङ
सिस्टममा चल्ने ट्यावका साथै
कम्प्युटरमार्फत पनि यसको प्रयोग गर्न सकिन्छ।

एनलोकेटको महत्वपूर्ण विशेषता तपाइँले
जहाँबाट सर्च गरिरहनुभएको छ,
त्यसको वरिपरिको जानकारी दिनु
हो। यदि तपाईंले दरबारमार्ग नजिक
बसेर कुनै रेस्टुरेन्ट एनलोकेटमार्फत सर्च
गर्नुभयो भने पहिलो प्राथमिकतामा वरिपरिका रेस्
टुरेन्ट देखिन्छन्।
यो प्रक्रियामा विज्ञापनको कामसँगै
हुन्छ। ग्राहकलाई सूचना र
विज्ञापनको प्रचार गर्न
व्यवसायीका लागि यो सजिलो हुने चापागाईंको दाबी छ।

एनलोकेटमा डाटा इन्ट्री गराउन
उसको अफिसमा धाउनुपर्ने झन्झट
पनि छैन। तपाईं आफ्नो डाटा आफैं
इन्ट्री गर्न सक्नुहुन्छ तर
त्यसका लागि पब्लिक भेरिफिकेसन भने
चाहिन्छ। 'इन्ट्री भएको डाटा गलत हुन सक्नेतर्फ हामी सचेत छौं,' चापागाईंले
भने, 'त्यसैले पब्लिक
भेरिफिकेसनको आधारमा यसलाई
इन्ट्री गर्ने गरेका छौं।'

एनलोकेटमा युजर अकाउन्ट
बनाएपछि आफ्नो बिजनेस
वा सेवा सुविधाबारे आफैं जानकारी र
तस्बिर अपलोड गर्न सकिन्छ।
केही महत्वपूर्ण फिचर्स अफलाइन
मोडमा पनि चलाउन सक्ने सुविधा छ। आवश्यक फिचर्सलाई आफलाइन
मोडमा सेटिङ गरेपछि इन्टरनेट
सुविधा नभएको ठाउँमा पनि यसलाई
प्रयोग गर्न सकिन्छ।

'गुगलको नक्सा प्रयोग
गरिएको एनलोकेट चलाउने
आइफोनका आठ हजार प्रयोगकर्ता र
एन्ड्रोइड फोनबाट चलाउने १३ हजार
छन्,' चापागार्इं दाबी गर्छन् ।
वेबसाइटमा दैनिक १५ सय हिट रहेको उनले बताए । यो प्रविधि सरल
किसिमको इन्टरनेट मार्केटिङ टुल्स बन्न
सक्ने उनको भनाइ छ ।

नेपालमा इन्टरनेटको पहुँच
भएको ठाउँमा पनि नेट स्पिडले सताउँछ।
तर यो समस्यालाई छल्दै एनलोकेटलाई
कम स्पिडको नेटमा पनि चल्ने
बनाइएको छ। डेटा कम्युनिकेसनलाई
मिनिमाइज गरेर कम स्पिडमा चल्ने बनाइएको चापागार्इंले बताए। अहिले
एनलोकेट एप्पल र एन्ड्रोइडमा मात्र
चल्ने यो एप्लिकेसन विन्डोज–८
का लागि पनि तयार हुँदै छ ।

यु ट्युबमा भिडियो राखेर कसरी कमाउने पैसा ?

सबै मान्छे पैसा कमाउन चाहन्छन् । अझ
अहिलेको सूचना प्रविधिको
जमानामा काइदा जान्नेले
बसीबसी अनलाइन मार्फत
पैसा कमाउँछन् ।

अनलाइनमार्फत पैसा कमाउने विभिन्न
विधि हुन्छन् । त्यसमध्ये
एउटा विधि भनेको यु
ट्युबमा भिडियो अपलोड गर्नु पनि हो ।
यदि तपाइँले उत्कृष्ट
तथा अनौठा भिडियोहरु बनाउन सक्नुहुन्छ भने यु ट्युबको मद्दतले तपाइँले
अनलाइन मार्फत पैसा कमाउन सक्नुहुन्छ
। तपाइँले आफुले तयार
पारेको भिडियो अरु कुनै
लगानी विनानै
पैसाको श्रोतको रुपमा उपयोग गर्न सक्नुहन्छ मात्र यु ट्युमा शेयर गरेर ।
वास्तवमा भिडियो शेयरिङ वेबसाइट यु
ट्युबमा यसका लागि एक पार्टनरसीप
प्रोग्राम छ । यस
प्रोग्राममा सहभागी भएर तपाइँले
आफ्नो भिडियोमार्फत पैसा कमाउन सक्नुहुन्छ ।
यो यु ट्युब प्रोग्राममार्फत तपाइँले
पैसा कमाउनका लागि केही सर्त भने छन्
। त्यो के भने तपाइँको भिडियो आफैले
तयार गरेको ओरिजिनल हुनुपर्नेछ न
की अरु कसैको कपी गरिएको । यसका लागि सबैभन्दा पहिले तपाइँले यु ट्युब
पार्टनरसीप र्फम भर्नुपर्छ । यसो गर्न तपाइँले कुनै शुल्क तिर्नुपर्दैन ।
तपाइँले यु ट्युको उक्त पार्टनरसीप
प्रोग्रामको फारम भरेपछि तपाइँ एक
प्रकारले यु ट्युबसँग आबद्ध हुनुहुनेछ ।
त्यसपछि तपाइँले अपलोड
गरेको भिडियो यु ट्युबको प्राविधिक टोलीले अनुगमन गर्नेछ । उक्त भिडियो यु
ट्युबमा अपलोड भएसँगै भिडियो हेर्ने
दर्शकको संख्याको आधारमा त्यसबाट
हुने आम्दानीको केही हिस्सा यु ट्युबले
राख्नेछ भने
बाँकी हिस्सा तपाइँको खातामा हालिदिनेछ ।

मोबाइल इन्टरनेट च्याटको मज्जा:बिनु

अनलाइन युजरहरूमा कुराकानी गर्ने विभिन्न माध्यमहरूको माग भइरहेका वेला
प्रतिस्पर्धा पनि बढिरहेको छ । नेपाली इन्टरनेट प्रयोगकर्ताका बीचमा
विभिन्न मोबाइल एप्लिकेसन र सफ्टवेयरहरू रुचिमा परेका छन् । फेसबुक
च्याट, ट्विटर र मिगजस्ता मोबाइल एप्लिकेसनहरूले सोचेभन्दा बढी सफलता
पाइरहेका वेलाका अर्को मोबाइल सफ्टवेयर बिनु अहिले चर्चाको विषय बनेको छ
। यो एप्स चर्चाको विषय बन्नुमा पनि थुप्रै कारणहरू रहेका छन् । सन् २००८
को सेप्टेम्बरमा बिनु प्रालि डेभ टर्नल र गौर लेन्टेलद्वारा स्थापित भयो
। त्यसपश्चात् उनीहरूको निकै लामो अनुभव र विगतको सफलताले बिनु एप्लिकसेन
चल्यो ।

के हो बिनु ?

बिनु एउटा मोबाइल इन्टरनेट सफ्टवेयर हो जसबाट अन्य थुप्रै्र सामाजिक
सञ्जालका साइटहरू र एप्सहरू चलाउन सकिन्छ । साथसाथै थुप्रै आकर्षक
विशेषताको सुविधा उपयोग गर्न पाइन्छ । अहिले विश्वभर आधाभन्दा बढी मानिस
मोबाइल प्रयोग गर्छन्, तर त्यसको पनि आधाजतिले मात्र कम्प्युटर प्रयोग
गर्छन् । तसर्थ बिनुले मोबाइलमै सस्तो, शैक्षिक र सामाजिक फाइदा प्रदान
गर्ने सुविधा दिन्छ । मोबाइलका स्क्रिन साना हुन्छन्, किबोर्डहरू पनि
साना हुन्छन्, हार्डवेयरहरू पनि सीमित हुन्छ र उनीहरूको सर्भिस पनि ढिलो
र कम भरपर्दो हुन्छ । बिनुले यी चुनौतीलाई सामना सजिलै गर्छ । यसले
आविष्कार गरेको सफ्टवेयरले हल्का खालका मोबाइलमा पनि सहजै चल्न सहयोग
गर्छ र नेटवर्क ब्यान्डविथको पनि कार्यकुशल प्रयोग गर्छ ।

बिनु यस्तो मोबाइल सफ्टवेयर हो जसको प्रमुख विशेषता तीव्र गतिमा चल्नु हो
। टुजी नेटवर्क चल्ने फोनहरूले तत्काल रेस्पोन्स पाउ"छ, इन्टर एप्स र अरू
सुविधाबाट जस्तै ट्विटर, विकिपेडिया, न्युज, लाइभ स्पोट्र्स स्कोर, मौसम
आदि । मोबाइल इन्टरनेटका थुप्रै्र प्रयोगकर्ता आज पनि खराब वा दुःखदायी
अनुभव पाइरहेका छन् । ढिलो रेस्पोन्स पाइरहेका छन्, असक्षम डाटा
ब्यान्डविथले । बिनुको केही फाइदाहरू तल उल्लिखित छन् ।

१) धेरै छिटो ः प्रायःजसो हामी इन्टरनेट ढिलो चल्ने समस्याबाट ग्रस्त छौ"
। तर, यो सफ्टवेयर इन्टरनेट ढिलो होस् वा चा"डो राम्ररी काम गर्दछ ।

२) फ्री एसएसएम र इमेल बिनुले फ्री एसएमएस र अनगिन्ती इमेलको सुविधा दिन्छ । यसले
दुई किसिमको एसएमएस प्रदान गर्छ । पहिलो क्रेडिट एसएमएस र दोस्रो फ्री
एसएमएस । बिनुले एसएमएस विश्वभर पठाउन मिल्ने बनाएको छ ।

३) एमएमएस डेलिभरी स्टाटस यदि हामीले क्रेडिट एसएमएस प्रयोग गर्छौं भने
यसले डेलिभरी स्टाटस पनि देखाउ"छ ।

४) म्यासेज नोटिफिकेसन बिनुले उसको इनबक्समा सन्देश आएका वेलामा हामीलाई
सचेत पनि गराउ"छ । यदि हामी अनलाइन छौ" भने विभिन्न चिह्नको प्रयोग गरेर
हामीलाई नोटिफिकेसन दिइरहेको हुन्छ भने अफलाइन भएको अवस्थामा एसएमएस
पठाएर सन्देश आएको जानकारी दिन्छ ।

५) अन्य सुविधा अनलाइन न्युज, गुगल र विङ सर्च, यू–ट्युब, स्पोट्र्स,
मौसम ज्योतिषसम्बन्धी साइट, टेक्नोलोजी, ब्लग र अन्य थुप्रै सुविधा
प्रदान गर्छ ।

बिनुको सुविधा पाएर थुप्रै इन्टरनेट प्रयोगकर्ताहरू मख्ख र खुसी छन् ।
बुधबारे–७ झापाका सञ्जीव सापकोटा त्रिचन्द्र क्याम्पसमा बिएस्सी अध्ययनरत
छन् उनी भन्छन्, 'अहिलेसम्म मैले थुप्रै मोबाइल सफ्टवेयर प्रयोग गरे", तर
बिनुजस्तो छिटो, छरितो र सुविधा सम्पन्न कुनै भेटेको छैन ।' सञ्जीव त एक
प्रतिनिधि मात्रै हुन् उनीजस्तै धेरै इन्टरनेट
प्रयोगकर्ता बिनुप्रति आकर्षित छन् कारण हुन् बिनुले प्रदान गरेको
अतुलनीय छरितो सुविधाहरू ।

टि्वटरमा नयाँ सुविधा

इन्टरनेटसँग अभ्यस्त जीवनशैलीमा सबै सोसल नेटवर्कसँग अभ्यस्त हुन्छन्
भन्न सकिन्न । इमेल मात्रमा सीमित रहेर इन्टरनेटसँग रमाउनेहरू पनि
प्रशस्तै भेटिन्छन् । इन्टरनेटसँग जोडिने आधार अरू पनि छन् ।
प्रयोगकर्ताको आधारमा फेसबुकलाई कसैले उछिन्न सकेको छैन । प्रयोगलाई आधार
मान्ने हो भने अरूसोसल नेटवर्कले फेसबुकलाई चुनौती दिन छाडेको छैन ।

टि्वटर अर्को एउटा उत्तिकै लोकपि्रय सोसल नेटवर्क हो । समय र
आवश्यकताअनुसार सोसल नेटवर्कको प्रयोगमा पनि परिवर्तन हुँदैछ । सोसल
नेटवर्क समय बिताउने र आपmना विचार 'सेयर' गर्नेमा मात्र सीमित रहेन ।
सोसल मिडियामा फेसबुकले भन्दा बढी टि्वटरले आफूलाई स्थापित गर्दैछ ।

सोसल नेटवर्कको क्षेत्र, सुविधा अनि क्षमता दुवै बढ्दै छन् । छोटो मीठो
ब्लगका रूपमा लिइएको टि्वटर पनि समयसँगै परिवर्तन हुँदैछ । हालै
टि्वटरमा केही सुविधा थपिएको छ । अब टि्वटलाई इमेल गर्न सकिनेछ । यो नयाँ
फिचर टि्वट नगर्ने इन्टरनेट प्रयोगकर्ताप्रति लक्षित गरिएको छ भन्दा फरक
नपर्ला । आजकल 'ब्रेकिङ न्युज' हरू न्युज पोर्टलमा भन्दा बढी सोसल
नेटवर्कमा भेटिन्छन् ।

कतिपय न्युज मिडियाले कभर गर्न नसकेका/नगरेका विषय पनि सोसल नेटवर्कमा
पाइन्छन् । सोसल नेटवर्क नरुचाउने इन्टरनेट प्रयोगकर्ताले पनि त ताजा खबर
पाउनुपर्यो नि ? सोसल नेटवर्कबाट सोसल मिडियाको छवि बनाउँदै गरेको
टि्वटरको कदमले सोसल नेटवर्क नचलाउनेलाई पनि 'अपटु डेट' ? हरेक साना-ठूला
विषय टि्वट हुन थालेका छन् ।

टि्वटबाटै समाचार बनेका पनि छन् । टि्वटरसँग प्रत्येकपल्ट साथ रहन
समयअनुसारका मोबाइल डिभाइसले धेरै मद्दत गरेको छ, टि्वटर प्रयोगकर्तालाई
। धेरै संख्यामा टि्वट मोबाइल डिभाइसबाट नै हुने गर्दछ र मोबाइल डिभाइसका
लागि टि्वट गर्ने प्रशस्तै एप्लिकेसन पनि पाइन्छन् ।

टि्वट इमेल गर्ने फिचर टि्वटरको आधिकारिक वेबसाइट मात्र नभएर यी
एप्लिकेसनमा पनि उपलब्ध हुनेछ । टि्वट इमेलसँगै टि्वटहरू खोज्ने - सर्च)
लाई पनि सुधारेको छ । आधिकारिक वेबसाइट र एप्लिकेसनबाट गरिएका टि्वटलाई
इमेल गर्न सकिनेछ । टि्वटलाई टि्वटर प्रयोग गर्ने/नगर्ने सबै खालका
प्रयोगकर्ताहरूलाई इमेल गर्न सकिन्छ ।

टि्वटलाई इमेल गर्न टि्वटर पेजमा रहेको 'फेभरेट' को छेउमा रहेको 'मोर'
आइकन क्लिक गर्ने र आइकनले इमेल गर्ने नयाँ विन्डो खोलिदिनेछ । टि्वट
इमेल गर्न सकिने भयो । तर इमेल कसको नामबाट जाने छ त ? इमेल जानेछ,
टि्वटरका लागि प्रयोग गर्दै आउनुभएको इमेलबाट । मोबाइल डिभाइसबाट टि्वट
इमेल गर्दा, इमेल पठाउनेको एड्रेस डिभाइसको डिफल्ट इमेल एड्रेस हुनेछ ।

फेसबुकजस्तै टि्वटर प्रयोगकर्ताको संख्या बढ्ने क्रम पनि जारी छ ।
पछिल्लो विवरण अनुसार टि्वटर प्रयोगकर्ताको संख्या पचास करोड छ ।
फेसबुकको तुलनामा झन्डै आधा भए पनि टि्वटरले सोसल मिडियामा लिएको स्थान
प्रशंसायोग्य छ । इमेल इन- बक्समा टि्वटको संख्या बढ्दा टि्वटरसँग नाता
जोड्न प्रलोभन जगाउने सम्भावना पनि छ ।

अनलाइन ब्लगिङ्गबाट कसरी पैसा कमाउने ?

धेरै पैसा कमाउने रहर कसलाई हुँदैन? व्यक्तिगत एवम पारिवारीक खर्च धान्न,
सामाजिक गतिविधी एवम् हितका लागि जानकारी राख्नु व्यवस्थित तुल्याउनु
हरेक व्यक्तिका कर्तव्य र उत्तरदायित्वहरु हुन्, यो सबैलाई थाहा भएकै
कुरा हो तर यसो भन्दैमा सबैले यी क्षेत्रमा दक्षता हासील गरेका हुन्छन्
अनि त्यसमा सफल हुन्छन् भन्न सकिन्न । तर तिनलाई टार्ने या सहयोग
पु¥याउने सही माध्यम पत्ता लगाउन सके अनि धैर्यताका साथ मेहनत गरे अवस्य
पनि सफलता प्राप्त हुन्छ भन्ने मेरा व्यक्तिगत अनुभव तथा मान्यता रहेको छ
।

यहाँ प्रस्तुत गर्न खोजिएको कुरा के हो भने नेपाली परिवेशमा बढिरहेको
बेरोजगारी समस्या हल गर्नमा अनलाइन ब्लगिङ्गबाट केही हदसम्म सहयोग मिल्न
सक्छ भन्ने हो । ब्लगिङ्ग वास्तवमै पैसा कमाउने एउटा भरपर्दो माध्यम
बन्दै गइरहेको छ ।

त्यसो भए ब्लग के हो त ?

वास्तबमा कागजी पानामा लेखिने दैनिकी डायरीको को अनलाइन स्वरुप नै ब्लग
हो, जसमा आफू आफ्ना समाज राष्ट्रका गतिविधीहरु एवम विचार भावना इत्यादि
कुराहरु व्यक्त गरिन्छ । जुन विश्वका विभिन्न ठाउँबाट इन्टरनेट माध्यममा
देखिन्छ, जहाँ विश्वका हरेक ठाउँबाट सल्लाह सुझाव एवम् प्रतिक्रयाहरु
बाड्न सकिन्छ । त्यसैले वेव माध्यममा लेखिने डायरी भएकोले यसलाई वेबब्लग
भनियो जसको छोटकरी नाम ब्लग ९द्ययिन० हो ।

हरेक कुरा परिर्वतनशील छ, समयको चक्रमा हरेक कुरा परिवर्तन हुँदै नयाँ
रुप तथा स्वरुपमा परिणत हुँदै जान्छन् यो सबैलाई थाहा भएको कुरा हो ।
त्यस्तै यो नियम इन्टरनेट जगतमा पनि लागू भयो । शुरुमा व्यस्त पश्चिमी
मुलुकहरुमा बढ्दो अत्याधुनिक इन्टरनेट प्रविधी र फस्टाउदो अनलाइन
व्यापारका कारण व्यापार व्यावसायको प्रचार प्रसारका लागि विभिन्न वेवसाइट
तथा ब्लगहरु सिर्जना हुदै गए र विभिन्न अनलाइन विज्ञापन एजेन्सी तथा
अनलाइन रोजगारी दिलाउने संस्थाहरु स्थापना हुँदै गए । तर पछि यी सबै
कुराहरुलाई व्यवस्थित गर्दै गुगल अग्रणी स्थानमा उभिन सफल भयो जुन आज पनि
कायमै छ ।

अनलाइन विज्ञापन तथा सर्च इन्जिनका रुपमा प्रस्तुत गुगलले आफ्ना सेवा
सुविधाहरु प्रस्तुत गर्दै जाने क्रममा विभिन्न कार्यक्रमहरु ल्यायो जसले
सबैको मन जित्दै गयो र अरुलाई पनि कमाउने आफू पनि कमाउने नीति अनुसार
अगाडि बढ्दै गयो । जुन कुरा हामी ब्लगर.कम , जिमेल तथा भिडियो साइट
यु-ट्युब बाट गर्न सक्छौ ।यसबाहेक अन्य धेरै स्रोतहरु छन् जसलाई
हामी पछिल्ला अंकहरुमा चर्चा गर्दै जानेछौं ।

हाल आएर ब्लग अझै व्यापक रुपमा छाएको छ । पश्चिमी मुलुकमा मात्र सीमित
नरहेर विश्वभरी नै फैलिएको छ भने नेपालमा पनि दिन प्रति दिन विस्तार
हुँदै गइरहेको छ । किनकी यो व्यक्तिगत एवम् व्यासायिक दुवै आम्दानीको
राम्रो स्रोत बनेको छ । पार्टटाइम वा फुलटाइम ब्लगिङ्ग गरेर आफू तथा
पारिवारिक खर्च धान्न समेत राम्ररी आम्दानी गर्न सकिन्छ, तर यसको लागि
मेहनत र धैर्यता भने अवश्य चाहिन्छ ।

मेरो व्यत्तीगत कुरा गर्दा हाल म इजरायलमा केयरगिभरको रुपमा काम गर्छु र
केयरगिभरको कामबाहेक खाली समयमा पार्टटाइममा ब्लगिङ्ग गरेर महिनामा औषतमा
छ सय डलर यूएसडी कमाउँछु । मैले यसरी कमाइ गर्ने ब्लग ठेगानाः http://
www.basnetg.com , http:// www.cnetblog.com हो । फुलटाइम गर्ने हो भने
अवश्य राम्रो आयआर्जन गर्ने कुरामा दुइमत छैन ।

शुरुमा त यसबाट नै तीसहजार डलर, पचासहजार डलर कमाउँछन भन्ने सुन्दा मलाई
पनि विश्वास लागेको थिएन । यो त गुगलले ठगी गरेको होला भन्ने लाग्थ्यो ।
अनि एकपटक प्रयास गरौं न त भनेर प्रयास गर्दै गए शुरुको महिनामा तीनसय
उनान्सत्तरी डलर जम्मा भयो । मैले रिलिज
गरको केही हप्ता पछि आयरलैण्डबाट ठूलो खाममा चेक आयो अनि बैंकमा जम्मा
गरे अनि मात्र विश्वास भयो । मेरो विचारमा नेपालको सन्दर्भमा ब्लगिङ्गले
स्वरोजगार सिर्जना गर्नमा महत्वपूर्ण भूमिका खेल्नेछ । अनि त्यो थाल्नु
भन्दा अगाडि केही जानकारी लिन आवश्यक ठान्दछु त्यसैले यस अंकमा
जानकारीहरु मात्रै दिने प्रयास गरिएको छ ।अब त्यो कुरा जहाँबाट म आम्दानी
गरिरहेको छु त्यसको बारेमा थोरै जानकारी लिइ राखौं ।

गुगल एडसेन्स (Google Adsense) के हो?

गुगल वेबमास्टर्सको विज्ञापन कार्यक्रम अन्तरगत एड्वार्ड भनिने
कार्यक्रमको संयुक्त रुप नै एडसेन्स हो । भन्नाले एडवर्ड विज्ञापन नीति
अन्तर्गत विज्ञापनदाताहरुले दिएको विज्ञापनलाई प्रचारप्रसारको क्रममा
विभिन्न इन्टरनेट माध्यमहरुबाट जनमानसमा पु ¥याउने माध्यम हो । जसले
वेवसाइट तथा ब्लग धनीहरुलाई एडवार्डबाट संकलित विज्ञापनहरु आफ्ना साइट
तथा ब्लगहरुमा राख्ने अनुमति दिने कार्य गर्दछ ।

हामी कसरी आम्दानी गर्छौं त ?

साराशंमा भन्नुपर्दा गुगल डट कममा विज्ञापनदाताहरुले आफ्नो विज्ञापन
विस्तार गर्न केही रकमहरु तिरिरहेका हुन्छन्, अनि जब हरेक पटक जुन
विज्ञापनमा क्लिक गरिन्छ त्यतिबेला गुगलले त्यो विज्ञापनका लागि
विज्ञापनदाताहरुले
तिरेको पुर्वनिर्धारित रकमबाट केही प्रतिशत अंश छुट्याएर तिर्ने गर्दछ,
पछि त्यो नै हाम्रो आम्दानी हुन्छ । ती एडवार्डहरु कस्ता हुन्छन भन्ने
जानकारी लिनका लागि कुनै पनि बेला गुगल डट कममा कुनै पनि कुरा खोजी गरेर
रिजल्ट पेजको दाहिने पटिको साइटमा हेर्न सक्नु हुन्छ । उदाहरणका लागि
मैले यहाँ खोजी गरेको कुरालाई चित्रमा प्रस्तुत गरेको छ ।

त्यसैगरी एडसेन्स कार्यक्रम एडवार्ड भन्दा बिल्कुलै फरक कार्यक्रम हो,
जसले एडवार्ड विज्ञापनहरुलाई प्रचार प्रसार एवम् विस्तार गर्नका लागि
तपाईं हामी जस्ता ब्लग तथा वेवसाइट संचालकहरुलाई ती आफ्ना साइट तथा
ब्लगहरुमा प्रसारित गर्नका लागि अनुमति दिने काम गर्छ । अनि हाम्रो साइट
तथा ब्लगहरुमा विज्ञापन राखिदिए वापत एडवर्ड ग्राहकहरुबाट गुगललाई
तिरिएको रकमको केही रकम छुट्याउने गर्दछ । अर्को शब्दमा भन्नु पर्दा
एडसेन्स पब्लिसर को हैसियतले तपाईंले गुगललाई ती एडवार्ड विज्ञापन
प्रचारका लागि सहयोग पु¥याउनु हुन्छ ।
हरेक पटक तपाईंको साइटमा त्यहाँ राखिएको गुगल विज्ञापनमा साइट भिजिटर्सले
क्लिक गरे वापत प्राप्त हुने पुरा रकमको केही निश्चित प्रतिशत शेयर रकम
चै तपाईंलाईं तिर्छ । त्यो नै हामीले गुगल एडसेन्स बाट कमाउने रकम हो ।
त्यो रकम कति हुन्छ भन्ने कुरा विज्ञापनको प्रकृतिमा भर पर्ने हुन्छ भने
बढी रकम प्राप्त हुने विज्ञापन देखिने कुरा आफूले बनाएको साइट तथा ब्लगको
सामाग्रीमा भर पर्दछ जसलाई अंग्रेजीमा कन्टेन्ट भनिन्छ । अनि कन्टेन्ट
अनुसारका विज्ञापनहरु देखिएमा बढी क्लिक हुने कुरामा दुइमत छैन ।

यसरी बढी क्लिक हुनु भनेको आफ्नो आम्दानी पनि बढी हुँदै जानु हो ।
उदाहरणका लागि तपाईं कुनै चिया प्रोडक्ट सम्बन्धी ब्लगिङ्ग गर्नुहुन्छ
अथवा नेपाल टे«किङ्ग गाइड सम्बन्धी ब्लग तथा वेवसाइट चलाउनुहुन्छ भने जब
तपाईंले एडसेन्स प्रोग्राममा सहभागी बन्नु हुन्छ त्यति बेला गुगलले केही
जाभास्क्रिप्ट कोड उपलब्ध गराउँछ, जुन चाही तपाईंले आफ्नो साइट तथा
ब्लगमा राख्नु पर्ने हुन्छ । तपाईंले त्यो कोड आफ्नो साइटमा राखीसकेपछि
गुगलले आफ्नो अत्याधुनिक स्वचालित अनलाइन प्रविधिमार्फत अघि माथि उल्लेख
गरिएको साइटको कन्टेन्ट पढ्छ र त्यो ब्लग तथा साइट के बारेमा हो भन्ने
कुरा छुट्याइसके पछि त्यही अनुसारका विज्ञापनहरु डिस्प्ले गर्छ । यसका
लागि विज्ञापन कोड राखिसके पछि दश मिनेटको समयले लिने गर्दछ ।

सान्दर्भिक कन्टेन्ट ले भिजिटर ट्राफिक बढाउने काम गर्दछ भने सान्दर्भिक
विज्ञापनले ती भिजिटरहरुलाई उक्त विज्ञापनमा क्लिक गराउने मौकामा वृद्धि
गर्दछ । यसको मतलब तपाईंको आम्दानी बढ्नु हो । यसरी आम्दानी बढ्दै एकसय
डलर पुगेपछि गुगलले चेक पठाउने गर्दछ । जुन चेक तपाईंले आफ्नो बैंक
खातामा जम्मा गर्न सक्नु हुने छ । नेपालमा वेस्टर्न युनियन बाट पनि सिधै
प्राप्त गर्न सकिन्छ ।

ब्लगिङ्गबाट अवस्य पनि मनग्गे आम्दानी गर्न सकिन्छ । योजनावद्ध रुपमा
व्यवसायिक सोचले अगाडि बढ्नु जरुरी हुन्छ । जुन कुरालाई व्यवसायिक सोचमा
लगाइन्छ र त्यो योजना अनुसार काम गरिन्छ भने फाइदा अवस्य हुन्छ । किनकी
बाटोमा लडेको वियरको बोतललाई तेतिकै छोडिदिने भए त्यो फुट्छ अथावा माटोले
पुरिदै जान्छ तर कुनै एउटा व्यक्ति त्यस्ता बोतलहरु भेला गरेर बेच्ने काम
गर्छ भने उसले अवस्य आम्दानी गर्छ । त्यसैले ब्लगिङ्ग एडसेन्सलाई पनि
व्यावसायिक रुपमा लिएर अगाडि बढौं । स्वरोजगार सिर्जना गरौं ।
प्रस्तुती :ज्ञानु वस्नेत,हाल ईजरायल ।

कसरि Clear गर्ने Search History? (फेसबुक टिप्स)

के तपाइलाई थाहा छ फेस्बुक्ले
पनि search को सुविधालाई
प्राथमिकताका साथ् राखेको हुन्छ
यानकी हजुरले आफ्नो अकाउन्टबाट
search गर्नुभएको सम्पूर्ण search results
लाइ हेर्न र परिआएको खण्डमा clear पनि गर्न मिल्छ ।
जसको लागि तलका step हरु follow
गर्नुहोला ।

Step 1: सर्वप्रथम आफ्नो Profile मा क्लिक गर्नुहोस ।

Step 2: अब Profile को Activity Log मा क्लिक गर्नुहोस ।

Step 3: अब Posts and Apps Tab मा क्लिक गर्नुहोस ।

Step 4: अब Search Option मा क्लिक गर्नुहोस ।

Steps 5: अब तपाइले गर्नुभएको Search History देखिन्छ जसलाई तपाई Clear
पनि गर्न सक्नुहुन्छ जसको लागि Clear
Searches मा क्लिक गर्नुहोस ।

धन्यबाद । Happy Browsing........!

आफ्नो ब्लगमा Facebook Like Box को Pop Up राख्नुहोस (Using Jquery)

नमस्कार यहाँ हरु सबैलाई ! आज मैले ब्लग
चलाउने
मित्रको लागि फेसबुकको लाइक
बक्सको पोप अप
आफ्नो ब्लगमा कसरि राख्ने भन्ने
बारेमा एक लेख लिएर आएको छु । आशा छ यहाँ हरुले मन पराइदिनु हुनेछ ।

कसरि राख्ने त यस्तो पप अप ?

जसको लागि तपाईले तलका Steps
Follow गर्नुपर्ने हुन्छ ।

Step 1:
सर्बप्रथम आफ्नो Blogger Dashboard ->
Template मा क्लिक गर्नुस ।

Step 2:
अब Edit HTML मा क्लिक गर्नुस ।
अनि फेरी Proceed मा क्लिक गर्नुस । अब
CTRL+F वा CTRL+G थिची यो < h e a d > नामक Tag खोज्नुहोस ।

Step 3:
अब त्यसको ठिक मुन्तिर यो कोड Copy
गरि Paste गर्नुहोस।

<script src='http://ajax.googleapis.com/
ajax/libs/jquery/1.7.1/jquery.min.js'
type='text/javascript'/>

Step 4:
अब Save Template गर्नुहोस ।

Step 5:
अब Blogger Dashboard -> Layout
मा जानुहोस ।

Step 6:
अब Add Gadget मा क्लिक गर्नुहोस ।

Step 7:
अब HTML/JavaScript Add गर्नुहोस ।

Step 8:
अब Code डाउनलोड गरेर Fill गर्नुहोस ।

अब
त्यहाँ रहेको f a c t s o f s c i e n c e हटाएर तपाइको फेसबुक पेजको URL
राख्नुहोला । अब Save गरेर हेर्नुहोस
तपाइको बाँया तर्फको Scroll Bar
मा फेसबुक नामक Picture आएको हुनेछ र
त्यहाँ माउस लग्नासाथ Pop up window
तानिएर आउछ ।

चमेरोले बाटो कसरि पहिल्याँउछ ?

चमेरोको आखा भए पनि यसले अन्धकारमा बाटो पहिल्याँउन भने कानको उपयोग
गर्दछ। यसको सुन्ने क्षमता यति प्रबलहुन्छ कि यसले 20,000 HZ भन्दा
माथिको आवाज आफै निकाल्न र सुन्न सक्छ । यस्तो आवाजलाई Ultrasonic Waves
भनिन्छ । जसलाई हामीले सुन्न सक्दैनौं ।
किनकि हाम्रो सुन्ने क्षमता 20 hz 20 000 hz सम्म को मात्रै हुन्छ ।
यस्तो आवाज चमेरोले आकसमा अध्यारोमा उड्दाको बखतमा निकाल्छ । उसले उडेकै
समयमा Ultrasonic सिग्नल पठाउछ । यदि अगाडी कुनै बस्तु छ भने उक्त
signal फर्केर आउछ । यसरि फर्केर आएको signal लाइ सुनेर चमेरोले अगाडी
कुनै अबरोध भएको निर्धारण गर्छ । यस्तो अवस्थामा चमेरो अर्को तिर फर्केर
पुनः Ultrasonic सिग्नल पठाउछ । जतातिर बाट उसले पठाएको ultrasonic
signal फर्केर आउदैन तब अगाडी कुनै अबरोध नभएको कुरा चमेरोले निर्धारण
गर्छ र त्यतै तिर उडेर जान्छ ।

बुध ग्रहमा भेटियो बरफ

अमेरिकी अन्तरिक्ष अनुसन्धान केन्द्र नासाको एक अन्तरिक्ष यानले यानले
बुध ग्रहको उत्तरी ध्रुबमा प्रसस्त मात्रामा बरफ भएको पत्ता लगाएको छ ।
उक्त बरफ यदी फैलने हो भने वासिङ्टन डि सि बराबरको क्षेत्रफल ओगट्ने पनि
नासाले जनाएको छ ।झट्ट सम्झदा सुर्यको त्यती नजिकको बुध ग्रह्मा बरफ फेला
पर्नु एक अनौठो र आश्चर्यजनक तथ्य भएको नासाले जनाएको छ । फेला नपर्नु
पर्ने ठाउँमा बरफ फेला पर्नु एकदमै आश्चर्यजनक तथ्य
भएको अनुसन्धानकर्ताको ठहर छ । उसो त बुध ग्रहको ढल्काइ लगभग ० डिग्री नै
छ यानकी १ डिग्री भन्दा कम नै छ । त्यसैले पनि उक्त ग्रहको ध्रुबिय
क्षत्रमा अबस्थितत विभिन्न स्थानहरुमा कहिल्यै पनि सुर्यको प्रकाश पर्दैन
। बैज्ञानिकहरुका अनुसार बुध ग्रहको ध्रुबिय क्षेत्रमा सुर्यको प्रकास
नपरेका भागहरुमा नै बरफ फेला परेको हो । सन् १९९१ मा Arecibo radio
telescope नामक telescope ले बुध ग्रहको ध्रुबिय क्षेत्रवरपर चम्किलो
प्रकासका धब्बा देखिएको थियो । उक्त परिक्षण पश्चात नासाले बुध ग्रह
तर्फ
आफ्नो spacecraft पठाएको थियो । उक्त spacecraft ले बुध ग्रहको
ध्रुबियक्षेत्रका छायाँ परेका भू-भाग को तस्बिर पठायो । बृहत अनुसन्धान
पश्चात बैज्ञानिक हरु उक्त भू- भागमा बरफ रहेको निश्कर्षमा पुगे ।

बुध ग्रहको दक्षिणी र उत्तरी ध्रुबमा फेला परेको उक्त भारि परिमाणको बरफ
को माथिल्लो सतह कुनै तत्वले ढाकेको छ । उक्त बरफ जमेको स्थान निकै चिसो
रहेको छ । मेसेन्जर नामक नासको spacecraft ले neutron spectroscopy
प्रयोग गरेर उक्त बरफमा हाइड्रोजनको concerntration मात्रा जांच गर्दा
पानीको अणुमा पाइने बराबरको हाइड्रोजन परमाणु भेटिएको थियो । 'बुध ग्रहको
उक्त अन्धकार क्षेत्रमा कसैले पनि यो भन्दा अघि चासो नदिएको ले पनि अहिले
महत्वपूर्ण अनुसन्धानको बिषय भएको छ ।', अनुसन्धानमा संलग्न बैज्ञानिक
Gregory Neumannले बताए । बरफको माथिल्लो भागलाई ढाक्ने उक्त कालो पदार्थ
कुनै जैविक पदार्थद्वारा निर्माण भएको अनुसन्धानमा संलग्न अर्का
बैज्ञानिक David Paige ले बताए । बुध ग्रहमा बरफ भेटिनुले बुध
मा जीवको अस्तित्वको बारेमा अनुसन्धान
गर्नको लागि नयाँ बिषय बनेको छ । आगामी दिनमा बैज्ञानिकहरुले बृहत
अनुसन्धान गरि यस बारेमा थप जानकारी दिने पनि नासाले बताएको छ ।

अन्टार्कटिक तालमा भेटियो तिन हजार बर्ष पुरानो सुक्ष्म जीवाणु

बरफी सतहको करिब 65 फीटको गहिराइमा नासाका बैज्ञानिक,डिजर्ट रिसर्च
इन्स्टिच्युट,युनिभर्सिटी अफ इलिनियस (सिकागो) लगाएत अन्य 9
इन्स्टिच्युटहरु मिलेर अन्टार्टिक तालमा करिब तिन हजार बर्ष पुरानो
जिवाणु पत्ता लगाएका छन ।उक्त ताल एकदम चिसो र सुर्यको पनि नपुग्ने
ठाउँमा अबस्थित छ । तै पनि करिब तिन हज्जार बर्ष देखि उक्त तालमा त्यो
सुक्ष्म जीव जीवित रहनु आफैमा आश्चर्यको तथ्य हो। बैज्ञानिक हरुका अनुसार
उक्त प्राचिन सुक्ष्म जीवको अनुसन्धान बाट पृथ्वीमा प्राचिन समयमा
जिबहरुको स्थितिको बारेमा अझै थाहा हुनेछ।

अन्टार्कटिक तालमा भेटियो तिन हजार बर्ष पुरानो सुक्ष्म जीवाणु

बरफी सतहको करिब 65 फीटको गहिराइमा नासाका बैज्ञानिक,डिजर्ट रिसर्च
इन्स्टिच्युट,युनिभर्सिटी अफ इलिनियस (सिकागो) लगाएत अन्य 9
इन्स्टिच्युटहरु मिलेर अन्टार्टिक तालमा करिब तिन हजार बर्ष पुरानो
जिवाणु पत्ता लगाएका छन ।उक्त ताल एकदम चिसो र सुर्यको पनि नपुग्ने
ठाउँमा अबस्थित छ । तै पनि करिब तिन हज्जार बर्ष देखि उक्त तालमा त्यो
सुक्ष्म जीव जीवित रहनु आफैमा आश्चर्यको तथ्य हो। बैज्ञानिक हरुका अनुसार
उक्त प्राचिन सुक्ष्म जीवको अनुसन्धान बाट पृथ्वीमा प्राचिन समयमा
जिबहरुको स्थितिको बारेमा अझै थाहा हुनेछ।

हाकिमको फेसबुके साथी बन्न चाहन्नन् कर्मचारी

एक नयाँ अध्ययनले अधिकांस
मानिस आफु कार्यरत
कार्यालयको हाकिमसँग
फेसबुकमा साथी बन्न नचाहने तथ्य
बाहिर ल्याएको छ ।
अमेरिकामा गरिएको एक सर्भेक्षण अनुसार कर्मचारीहरु
फेसबुकमा आफ्नो बोससँग
दूरी कायम गर्न चाहन्छन्
अर्थात्
फेसबुकमा हाकिमको फ्रेण्ड बन्न
चाहन्नन् । सर्भेक्षणले ८१ प्रतिशत मानिस आफ्नो बोससँग
फेसबुके साथी बन्न नचाहने
गरेको देखायो ।

सोडा हेड र युटेल फाउण्डेसन नामक
वेबसाइटले
गराएको सर्भेक्षणका क्रममा
सयमा ८१ जना मानिसले आफुले
आफ्नो फेसबुकमा आफ्नो
हाकिमलाई 'एड' नगर्ने बताए । सर्भेक्षण २५ देखि ३४ वर्ष उमेर
समूहका ७२२
जना मानिसमा गरिएको थियो । तर
हाकिमलाई एकचोटी फेसबुके
साथी बनाइसकेपछि भने उनीहरु
कसैले पनि फ्रेण्ड लिस्टबाट हटाउन चाहँदैनन् ।

सर्भेक्षणले अर्को रोचक तथ्य के
पनि पत्ता लगाएको छ भने
अधिकांस हाकिमहरु आफु
मातहतका कर्मचारीसँग
फेसबुकमा साथी बन्न चाहन्छन् ।
सर्भेक्षणले ५५ प्रतिशत हाकिमहरु आफ्ना सहयोगी कर्मचारीसँग
फेसबुके साथी बन्न चाहने र ४५
प्रतिशतले भने आफु
मातहतका कर्मचारीसँग
फेसबुकमा जोडिन नचाहने
गरेको देखाएको छ ।

कम्प्युटर बिक्रीमा विश्वव्यापी मन्दी, टच स्क्रिन बनाउने चुनौती

ट्याब्लेट बढ्दो प्रयोगले पर्सनल कम्प्यूटर
(पिसी) बिक्रीमा मन्दी आएको छ।
कम्प्यूटर बिक्रीको इतिहासमा सबै
भन्दा बढी मन्दी आएको समय भएको यस
क्षेत्रका शाध सस्थाहरुले बताएका छन्।
अनुसन्धान संस्था गार्टनरले यो वर्ष कुल सात करोड ६० लाख पर्सनल कम्प्यूटर
बिक्री भएको बताएको छ।
यो पछिल्ला बर्षको तुलनामा १०.८
प्रतिशतले कम हो।

ट्याब्लेट र
स्मार्टफोनको लोकप्रियता बढ्दै
गएपछि पीसीको बिक्रीमा नराम्रोसँ
ग गिरावट आएको अनुसन्धान
संस्था गार्टरले औंल्याएको छ।
'सस्तो मुल्यमा बजारमा पाइने ट्याब्लेटसले पीसीको बिक्रीलाई अझ
गिराइदिएका छन्', उसले भनेको छ।

उदाउँदो अर्थतन्त्र
भएका मुलुकका मान्छेबीच कम
मूल्यका ट्याब्लेट लोकप्रिय
रहेको गार्टनरका मुख्य विश्लेषक
मिकाको किटागावा बताए।
अर्को एउटा अनुसन्धान संस्था आइडीसीले
निकालेको प्रतिवेदनले
पनि पछिल्लो वर्षको तुलनामा पिसीक
ो मागमा गिरावट
आएको देखाएको छ।
आइडिसीका अनुसार पिसीको माग ११.४ प्रतिशतले घटेको छ।

'पीसीको बिक्रीलाई सुधार गर्न थुप्रै
चुनौतीहरु छन्', अनुसन्धान संस्थाहरुले
भनेका छन्- 'अहिलेको अवस्थालाई
बदल्नको धरै काम गर्न बाँकी छन्।'

आइडीसीका विश्लेषक चाउले यूरोप र
चीनको बजारले
चुनौती देखाएको बताए।
अमेरिकामा भने
स्थिति त्यति नकारत्मक छैन। तर
उदाउँदो बजारमा जुन प्रकारको कमजोरी देखिएको छ यसले
लामो समयपछि हुने
वृद्धिमा खतरा उत्पन्न हुने उनको भनाइ
छ।

'मुल्यमा कम गर्ने र टच कम्प्यूटर सिस्टम
बनाउने हो भने पीसीले अरु धेरै आकर्षण
गर्न सक्ने छ', चाउले भने-
'यसको उत्पादनलाई आकर्षक बनाउन
सक्ने हो भने ट्याब्लेट्स जस्ता उत्पादनले
ल्याउने खतरारा बाट बच्च सकिन्छ।'

एन्ड्रोइड फोनमा सुरक्षा खतरा!

तपाईँको मोबाइलमा कुन
अपरेटिङ सिस्टम छ? एन्ड्रोइड, आइओएस
वा सिम्वियन ! आइओएस वा सिम्वियन
भए त ठिकै छ तर एन्ड्रोइड अपरेटिङ
सिस्टम छ भने ख्याल राख्नुस्। एन्ड्रोइड
एप्लिकेसन डाउनलोड गर्ने समयमा सावधान रहन जरुरी छ।
मोबाइल सुरक्षाबारे अनुसन्धान गर्ने
कम्पनी ब्लुबक्सले एन्ड्रोइडको एप
प्रमाणिकण
प्रणालीको कमजोरी पत्ता लगाएको
छ। कम्प्युटरको भाषामा यस किसिमको कमजोरीलाई 'बग' भन्ने
गरिन्छ।

यही 'बग' को कारण तपाईँले
असावधानीवस कुनै यस्तो एप्लिकेसन
डाउनलोड गर्नुभयो भने
मोबाइलमा भएको सबै डाटा मेटाइदिने
छ। एन्ड्रोइडको यस
प्रकारको कमजोरीको फाइदा उठाउँदै ह्याकरले कसैको फोनबाट डाटा चोर्ने,
चोरेर कुराकानी सुन्ने या अवाञ्छित
म्यासेज पठाउने
जस्ता मनलाग्दी गतिविधि गर्ने
खतरा बढेकव छ ।

सन् २००९ पछि आएका सबै एन्ड्रोइड
अपरेटिङ सिस्टम भएको फोनमा यस
किसिमको कममोरी रहेको ब्लुबक्सले
जनाएको छ ।तर एन्ड्रोइड बनाउने
कम्पनी गुगलले भने
ब्लुबक्सको खोजीबारे कुनै प्रतिक्रिया दिएको छैन।

यस
प्रकारको समस्या अगाडि आउनुको मुख्
य कारण एन्ड्रोइड फोनमा प्रोग्राम
इन्स्टल गर्नु भन्दा पहिला गरिने
क्रिप्टोग्राफिक प्रमाणिकरण हो।
एन्ड्रोइडमा कुनै एप्लिकेसन या प्रोग्रामको वैधानिकता वा सुरक्ष
ा जाँच्नका लागि क्रिप्टोग्राफिक
हस्ताक्षरको प्रयोग गर्छ।

ब्लुवक्सले गुगललाई यस
प्रकारको कमजोरीबारे फेब्रुअरीमा नै
बताएको थियो। यस
समस्याको बारेमा यही वर्ष हुने
'ब्लयाक हेट ह्याकर' सम्मेलनमा अरु
जानकारी दिने योजना बनाएइएको छ । एन्ड्रोइड फोनमा यस
प्रकारको कमी अहिले केवल सैद्धान्तिक
मात्र रहेको छ किनभने अहिले नै
यसको दुरुपयोगको घटना आइसकेको छैन।

साइबर जिज्ञासा

सुरक्षाको नयाँ औजारका रूपमा प्रयोगकर्ताले
आपmनै औंठाछाप प्रयोग गर्ने प्रविधिलाई
बायोमेटि्रक प्रविधि भनिन्छ। मोबाइल
डिभाइसहरूलाई जोगाउन पिन कोड
वा पासवर्डमात्र पर्याप्त हुँदैन।
डिभाइसमा नयाँ-नयाँ प्रविधि एवं विशेषताहरूतर्फ जोड दिइएजस्तै
तिनका तोड पनि उत्तिकै निस्कने
गरेका छन्। त्यसैले सुरक्षा अब
प्रयोगकर्ताको हात, अझ
भनौं औंलाको टुप्पाबाट निर्धारण हुन्छ।
अचेलका मोबाइल डिभाइसहरूमा विभिन्न सुविधा उपलब्ध छन्। निजी तस्बिर, इमेल,
डकुमेन्ट तथा रुचिअनुरूपको इन्टरनेट
साइटहरूको सूची राख्न मिल्ने
सुविधा आदि। एक पटक चोरले कुनै डिभाइस
हात लगाए ती सबै स्रोतमाथि उसले
कब्जा जमाउँछ नै। ती डाटासम्म पुग्न चोरलाई पिन कोडले केही बाधा
पुर्याउँछ तर त्यसलाई
पनि सजिलै ट्याक गर्न सकिन्छ।

मोबाइल फोन, ल्यापटप
तथा पीसीहरूमा औंठाछाप सेन्सरको प्रयोग
नयाँ अवधारणा हो।
यो नयाँ सुरक्षा प्रविधिअन्तर्गत
प्रयोगकर्ताले
सामान्यतः डिभाइसमा रहेको सानो सेन्सरमा आपmनो चोरऔंला राख्नुपर्छ,
सेन्सरमा औंलाको छाप दर्ता हुन्छ र
त्यसपछि प्रयोग गरिने औंलाको छाप
सही ठहरिए मात्र उक्त डिभाइस प्रयोग
गर्ने अनुमति मिल्छ। सेन्सरले औंठाछाप
दुरुस्त नभेट्टाए प्रयोगकर्तालाई निर्देशन
प्राप्त हुन्छ। माउस, वेब ब्राउजिङ, गेमिङ तथा मेनु स्क्रोलिंग आदिमा पनि सेन्सर
लगाइएको हुन सक्छ।
यो नयाँ प्रविधिको आगमनले
पीसीहरूमा केही हप्ता बिराएर पासवर्ड
परिवर्तन गर्ने वा सम्भिmरहनुपर्ने
झन्झटको अन्त्य हुनेछ। औंठाछाप प्रविधि ढोका खोल्न बन्द गर्न, कार
वा घरको साँचो मिलाउन, स्टोरमा गएर सामान
खरिद गर्न तथा कुनै
पनि डिभाइसमा निश्चित व्यक्तिलाई
मात्र स्वीकृति दिने कार्यमा प्रयोग गर्न
सकिन्छ।